Aksioni i forcave ukrainase, vriten 5 prorusë në Sllavjansk (VIDEO)

Pesë separatistë prorusë humbën jetën, ndërsa një ushtarë ukrainas është plagosur sot gjatë aksionit të anëtarëve të forcave të armat...


Pesë separatistë prorusë humbën jetën, ndërsa një ushtarë ukrainas është plagosur sot gjatë aksionit të anëtarëve të forcave të armatosura të Ukrainës për kthimin e kontrollit ndaj qytetit Sllavjansk në pjesën lindore të vendit, kumtoi ministria ukrianase e Punëve të Brendshme.
Në kumtesë citohet se forcat ukrainase  kanë shkatërruar tre pika kontrolluese të grupeve paraushtarake separatiste në pjesën verilindore të Sllavjanskut.
Zëdhënësja e forcave lokale  “paraushtarake proruse për vetëmbrojtje”, Stella Horosheva, sërish, kumtoi se gjatë përleshjeve kanë humbur jetën të paktën dy luftëtarë të tyre.
Mediat perëndimore paraprakisht lajmëruan se automjetet e blinduara të Armatës ukraianse kanë hyrë në Sllavjansk, i cili vlen për bazë detare kryesore të separatistëve prorusë në Ukrainën lindore.
Prefekti i vetëshpallur i Sllavjanskut, Vjaçesllav Ponomarjov u bëri thirje bashkëqytetarëve të mbesin në shtëpitë e tyre.
Mediat lokale lajmërojnë se forcat proruse  në Sllavjansk në ndihmë u kanë ardhur vullnetarëve nga qyteti fqinj Krasnij Liman.
Në mëngjes ushtarët ukrainas me uniforma të maskuara me shenja të njësive desante me gjashtë automjete të blinduara BMD-3, janë sistemuar 12 kilometra nga Sllavjansku, në fshatin Malinovka që gjendet në rrugën kryesore drejt Donjeckut. Ushtarët vendosën pikë kontrolli në rrugë dhe i kontrollojnë automjetet të cilat lëvizin prej dhe drejt Sllavjanskut.
Dy persona humbën jetën natën e kalaur kur tani për tani sulmues të panjohur kanë hapur zjarr ndaj pikës kontrolluese të separatistëve prorusë në afërsi të qytetit Sllavjansk në pjesën lindore të Ukrainës.
Ministri ukrainas i Punëve të Brendshme Arsen Avakov në profilin e tij në Facebook sot shpalli se sulmin e kanë kryer “rreth 70 persona të udhëhequr nga ushtarët rusë”.
Minsitria ukrainase e Mbrojtjes sërish kumtoi se sulmin e kanë kryer “përafërsisht 100 sulmues me automatë, pushka mitralezë dhe bomba”. Sulmuesit ishin refuzuar  dhe kanë duruar humbje të mëdha, shtohet në kumtesë.

Follow Us

Hot in week

Recent

Comments

Connect Us

item