10 operacionet e anulluara ushtarake që do kishin ndryshuar historinë

Sulmet që u anulluan në momentet e fundit, çdo të kishte ndodhur nëse do ishin realizuar Në vendimin për t’i dhënë fund një konflikti apo lu...

Sulmet që u anulluan në momentet e fundit, çdo të kishte ndodhur nëse do ishin realizuar



Në vendimin për t’i dhënë fund një konflikti apo lufte sa më shpejt të jetë e mundur, shpesh planet strategjike ndërtohen kohë pas kohe. Ndonjëherë, këto plane dështojnë ose anullohen për arsye nga më të ndryshmet. Pavarësisht nëse vendimi për të anulluar një sulm ishte i drejtë apo i gabuar për qytetarët, mbetet dyshimi se çfarë do të kishte ndodhur nëse ai do të ishte realizuar. Më poshtë jepen dhjetë operacionet ushtarake që mund të kishin ndryshuar historinë, nëse nuk do ishin ndërprerë gjatë fazave operuese.  Ku si shembull më konkret mund të marrim Varshavën. Pasi gjatë Luftës së Dytë Botërore, kur Gjermania naziste sulmoi Poloninë, banorët e Varshavës, hebrenjtë, nuk po dorëzoheshin lehtësisht, ku pjesa më e madhe e qytetit po shkatërrohej nga luftimet. Kështu Hitleri hoqi dorë nga pushtimi i qytetit.  Edhe për arsyen se ai i tërhoqi trupat për të luftuar me Rusinë. Nëse kjo tërheqje nuk do të kishte ndodhur, atëherë sot nuk do të kishim një Varshavë, pasi ajo do të ishte djegur e tëra. Një tjetër operacion që nëse nuk do të ishte anulluar do të kishte ndryshuar botën, ose më saktë Amerikën Latine, është ai ndaj Kubës. Pas krizës kubaneze, qeveria amerikane filloi të mendonte nëse ndjekësit e Fidel Kastros në Kubë po përgatisnin diçka. Kështu, forcat amerikane me ndihmën e CIA-s, ndërtuan një plan, sipas të cilit ata do gjenin disa komunistë besnikë nga Majami, do u jepnin para, armë dhe targetin e synuar, dhe do u jepnin urdhrin për sulm. Kjo do u tregonte atyre se Kuba do sulmonte Amerikën dhe do ishte mjaftueshëm që ata të ndërmerrnin vendimin për ta sulmuar, ndoshta dhe me ndihmën e aleatëve.  Por presidenti Kenedi e anulloi këtë plan, madje pushoi edhe hartuesin e tij. Nëse plani do të ishte realizuar, tani Kuba do të ishte vend demokratik.
10. Operacioni “Tanenbaum”
Situata: Pavarësisht neutralitetit të saj, Zvicra ishte në pritje të një pushtimi të mundshëm gjerman, dhe mori masa duke rritur numrin e ushtarëve që mbronin vendin. Hitleri premtoi se do respektonte neutralitetin e saj, por zvicerianët ishin dyshues, sidomos pasi ai nisi të pushtonte dhe vende që nuk ishin kundërshtarë të tij, siç ishte Bashkimi Sovjetik; dhe pas deklaratave që Hitleri kishte dhënë në Itali.
Pse nuk ndodhi: Hitleri priste të sulmonte në çdo rast, me forcat e tij që ishin vendosur në kufi të Zvicrës. Por ai nuk dha urdhër për të sulmuar. Ndoshta sepse Forcat Aleate ishin në Afrikën e Veriut; ndoshta sepse Sovjetët po tregonin që ishin të fuqishëm. Gjithashtu lidhej me faktin se pothuajse çdo familje në Zvicër, kishte të paktën një armë.
Nëse do kishte ndodhur: Nëse sulmi do ishte realizuar, Gjermania do ishte përballur me një problem: Shumica e gjermanëve nuk donin që të pushtoheshin vende neutrale, gjë që do çonte në kritikë të brendshme dhe mosbindje. Sipas raporteve gjermane, ai do kishte qenë shkatërrues për forcat gjermane dhe do kishte qenë më i rrezikshëm për Gjermaninë.
9. Plani “Goma” 
Situata: Gjermanët po i afroheshin Amerikës Jugore përmes bazave në Afrikë, me Brazilin e konsideruar thesar të burimeve natyrore gati për ta pushtuar. Qeveria amerikane mendoi se pas humbjes së Moskës, gjermanët do nxirrnin zemërimin e tyre ndaj Perëndimit. ShBA vendosi të hartonte plane formale, sidomos pasi ekzistonte mundësia që Brazili të bëhej aleat me Gjermaninë. I quajtur Plani Goma, anijet luftarake u pozicionuan në zonat bregdetare, ndërsa divizionet u vendosën në plazhe dhe qytete.
Pse nuk ndodhi: Plani nuk u zbatua, kryesisht sepse Brazili zgjodhi të bëhej aleat me Forcat Aleate dhe lejoi trupat amerikane të kishin akses në bazën e tyre ajrore, dhe madje nënshkruan një pakt mbrojtje me ta.
Nëse do kishte ndodhur: Sulmi amerikan me shumë gjasa do ishte mposhtur. Duke qenë se udhëheqësi i Brazilit nuk kishte vendosur se kë do përkrahte, dhe duke patur parasysh se ishin disa vende që kërkonin të merrnin Brazilin, nëse Plani Goma do kishte iniciuar, me shumë mundësi do ishte krijuar një Front i Tretë gjatë Luftës II Botërore.
8. Operacioni “Grabitqari”
Situata: Në 1954, Franca po përpiqej të mbronte Indokinën franceze nga guerilasit komunistë. Në prag të rënies së vendit, francezët kërkuan ndihmë nga amerikanët që të shpëtonin forcat e tyre. Shpejt u formulua një plan, sipas të cilit rajone të Vietnamit do ishin bërë Hiroshima e ardhshme. Ata pranuan që të lejonin Amerikanët të hidhnin bomba nukleare mbi Vietnam.
Pse nuk ndodhi: Presidenti Ajsenhauer ishte i pasigurt nëse bombat duheshin lëshuar, dhe kërkoi ndihmën e Britanisë për t’i ndihmuar. Kur ata thanë jo, Ajsenhaueri hezitoi të vazhdonte me planin vetëm me përkrahjen e Francezëve.
Nëse do kishte ndodhur: Bombat do ishin hedhur në pjesën më të madhe të qyteteve komuniste, veçanërisht në Hanoi, francezët dhe amerikanët do të mendonin se Vietnami do të dorëzohej, dhe menjëherë do të ndalonin rrethimin e Din Bien Fusë. Me Vietnamin, pjesërisht i prekur nga rrezatimi radioaktiv, tashmë pjesërisht nën kontrollin e Francës, ndërhyrja e ShBA në Vietnam një dekadë më vonë, me shumë mundësi nuk do kishte ndodhur, duke i kursyer gjeneratës së sotme mijëra vdekje.
7. Operacioni “Pyjet veriore”
Situata: Pas krizës kubaneze, qeveria amerikane filloi të mendonte nëse ndjekësit e Fidel Kastros në Kubë po përgatisnin diçka. Kështu, forcat amerikane me ndihmën e CIA-s, ndërtuan një plan, sipas të cilit ata do gjenin disa komunistë besnikë nga Majami, do u jepnin para, armë dhe targetin e synuar, dhe do u jepnin urdhrin për sulm. Kjo do u tregonte atyre se Kuba do sulmonte Amerikën dhe do ishte mjaftueshëm që ata të ndërmerrnin vendimin për ta sulmuar, ndoshta dhe me ndihmën e aleatëve.
Pse nuk ndodhi: Kur Kenedi u vu në dijeni të planit, ai u shpreh: “E kujt ishte ideja për këtë plan të çmendur?” Kur ideatorët këmbëngulën që ai të jepte miratimin e tij, Kenedi pushoi nga puna hartuesin, duke i dhënë fund planit të hartuar.
Nëse do kishte ndodhur: Sipas planit, një sulm i paarsyeshëm i Kubës do bënte që forcat ndërkombëtare të bashkoheshin me Amerikën. Me mbështetjen e tyre, ShBA do ishin të lirë të sulmonin Kubën. Nëse sulmi do kishte ndodhur, në 1960 do kishte shpërthyer lufta amerikane – kubaneze; ku ushtria e vogël e Kubës, me siguri do ishte mposhtur.
6. Forcat Bregdetare Oqeanike 
Situata: Paqja e Amenit i dha fund pushtimit të Napoleonit të Egjiptit dhe Austrisë. Duke kërkuar për një target të ri, ai synoi Anglinë. Ai hartoi një plan 3 vjeçar, duke krijuar ushtrinë me 200 mijë trupa, portin detar në Francë, dhe flotën detare në Hollandë.
Pse nuk ndodhi: Personi përgjegjës për sulmin vdiq nga tuberkulozi. Dhe kur Napoleoni testoi funksionimin e anijeve, ato u fundosën shumë shpejt, duke shkaktuar vdekjen e shumë njerëzve. Ndërkohë që Parisi ndërtonte një kolonë fitoreje në shenjë suksesi, Napoleoni filloi të mendonte të përdorte balona ajrore, dhe aktualisht përgatiti sulmin e parë ajror në histori. Anglia mësoi për sulmin, dhe u përgatit për një kundërsulm. Dhe, përpara se të sulmohej, Anglia sulmoi e para, duke goditur forcat franceze.
Nëse do kishte ndodhur: Ai do kishte qenë pushtimi i parë i realizuar në rrugë ajrore. Duke supozuar se nuk do vriteshin të gjithë, sërish Anglia do kishte pësuar dëme. Me 2 mijë anije të mbushura me ushtarë, ai do kishte shkatërruar të gjitha anijet britanike me të cilat do përballej. Ka shumë mundësi që sot, harta botërore do kishte pamje tjetër.
5. Erë e djegur 
Situata: Në 1977, gjenerali i Panamasë Omar Torrijos, dhe presidenti amerikan Xhimi Karter, negociuan rreth Kanalit të Panamasë, që në atë kohë ishte nën kontrollin e Amerikës. Pas negociatave, Karteri pranoi që t’i jepte sërish Kanalin Panamasë. Nëse ai do kishte refuzuar, Torrijos kishte hartuar planin e quajtur “Erë e Djegur”, sipas të cilit, nëse Panamaja nuk merrte Kanalin, atëherë ajo do sulmohej dhe do shkatërrohej.
Pse nuk ndodhi: Marrëveshja u nënshkrua dhe u miratua në Kongresin Amerikan me një votë, duke i dhënë Kanalin Panamasë, më 1979, dhe duke mos lejuar të ndodhte: “shkatërrimi i rrugës më të rëndësishme tregtare në botë”.
Nëse do kishte ndodhur: Në një mesatare, qindra mijëra anije kalojnë përmes Kanalit, në çdo kontinent, dhe që ndikon në ekonominë botërore. Nëse Kanali do ishte hedhur në erë, tregtia botërore e mallrave do ishte shkatërruar, duke nënkuptuar një recesion të madh; Karteri do kishte humbur më thellë në zgjedhjet e 1980; dhe me shumë probabilitet ShBA do kishin sulmuar Panamanë.
4. Operacioni “Vegjetariani” 
Situata: Gjatë Luftës II Botërore, britanikët vendosën se ndoshta ishte momenti për të vepruar “jashtë rregullave”. Ata filluan të ashtuquajturin “Operacionin Vegjetarian”. Në 1942, britanikët shpërndanë ushqime të mbushura me baktere, dhe i hodhën në fushën e gjermanëve. Bagëtitë do i hanin ato, më pas populli do hante mishin e tyre, duke bërë që të transmetohej bakteri, dhe duke vrarë miliona njerëz.
Pse nuk ndodhi: Sepse Britania e Madhe helmoi dhe veten gjatë këtij procesi. Testi fillestar i tyre nuk shkoi mirë, duke kontaminuar një zonë në Skoci. Ushqimet e përgatitura u dogjën. Edhe atëherë, disa kërkonin që ky plan të vazhdonte, por nuk ishte me leverdi që të ndoteshin akoma më shumë zona të tjera.
Nëse do kishte ndodhur: Duke parë çfarë ndodhi në Skoci në mënyrë të paqëllimshme, një pjesë e madhe e Gjermanisë do kishte pësuar reduktime të mëdha ushqimore; do përhapej bakteri vdekjeprurës nëpërmjet kafshëve. Në një situatë të tillë, trupat ushtarake, të cilët do kishin më pak rezerva ushqimore, do ishin dorëzuar më shpejt.
3. Operacioni “Rënia”
Situata: Në rast se Trumani nuk do vendoste të përdorte bombat atomike, Forcat Aleate do kishin nevojë për një plan rezervë për të pushtuar Japoninë. Sipas “Operacionit Rënia” ata do kalonin nga ishulli Kijushu i Japonisë, ku dhe do krijonin bazat e tyre. Nëse civilët do ishin përfshirë në mbrojtjen e vendit, humbja e trupave amerikane do kishte variuar nga 250 mijë deri në katër milion njerëz; departamenti i luftës atëherë përgatiti 500 mijë dekorata; më pak se numri i pritshëm i vdekjeve.
Pse nuk ndodhi: Pasi Trumani u informua mbi numrin e përllogaritur të viktimave, ai vendosi se bombardimi do ishte shumë më i lehtë, dhe Japonia u dorëzua në fillim të Shtatorit, shumë më herët nga sa parashikohej nëse realizohej “Operacioni Rënia”.
Nëse do kishte ndodhur: U përgatitën 500 mijë dekorata, pra ishte llogaritur numri i vdekjeve që mund të ndodhnin. Nëse sulmi do kishte ndodhur, Japonia do ishte pushtuar nga ShBA, Bashkimi Sovjetik dhe Kina. Pas dorëzimit real, Bashkimi Sovjetik do të kërkonte një pjesë të Japonisë, gjë e cila do të mohohej mohua. Nëse do kishte ndodhur sulmi, do kishte qenë e vështirë të kundërshtohej, duke nënkuptuar shumë konflikte të tjera ndërmjet fuqive.
2. Shpëtimi i të burgosurve të luftës në Vietnam
Situata: Në 1980, ShBA mësuan se disa nga të Burgosurit e Luftës dhe të tjerë të humbur gjatë Luftës në Vietnam mund të ishin akoma gjallë në Laos dhe Vietnam. Një forcë elitare e ushtrisë u ngarkua me detyrën për të planifikuar shpëtimin e tyre.
Pse nuk ndodhi: Sulmi u përgatit dy herë dhe në të dyja rastet u anullua në momentin e fundit, për shkak se një veteran vietnamez punësoi mercenarë amerikanë dhe Laotian, të cilët kërkuan personalisht për ushtarët e humbur. Veterani Gritz, nuk ndihmoi shumë me misionin e tij sekret. Kur personat e punësuar filluan kërkimin ata u kapën nga forcat veitnameze. Misioni u detyrua të prishej, sepse Gritz po tërhiqte vëmendjen duke krijuar konfuzion dhe shkaktuar dëme.
Nëse do kishte ndodhur: Forcat Delta, përgjegjëse për misionin, kanë një shkallë të lartë suksesi, duke patur parasysh dhe arritjet e tyre të fundit të pengjeve në Somali dhe kapjen e Bin Ladenit. Nëse Gritzi nuk do ishte përpjekur të bënte shpëtimin i vetëm, shumë të burgosur do ishin shpëtuar dhe do ishin kthyer në atdhe gjallë.
1.  Historia e Varshavës
Situata: Kur Gjermania mori Varshavën gjatë Luftës II Botërore, rezidentët e Varshavës u revoltuan. Pavarësisht forcave të shumta gjermane, rezidentët, kryesisht hebrenjtë, nuk po dorëzoheshin lehtësisht, ku pjesa më e madhe e qytetit po shkatërrohej nga luftimet. Kështu Hitleri hoqi dorë nga pushtimi i qytetit.
Pse nuk ndodhi: Në kohën që trupat gjermane po shtypnin popullatën, ata duhej të tërhiqeshin për të luftuar trupat ruse që po marshonin drejt Berlinit. Për të vetmen herë që kjo fjali mund të jetë thënë, Stalini bëri një mrekulli për Varshavën.
Nëse do kishte ndodhur: Nëse Varshava do ishte pushtuar, Polonisë do i ishte dashur të ndërtonte një kryeqytet të ri nga fillimi, ose të përdorte Krakoun. Për më tepër, e gjithë rritja e Polonisë pas Luftës II Botërore do kishte qenë e reduktuar pa një kryeqytet të tyrin. Në rastin më të mirë të mundshëm, ata tashmë do kishin një qytet të ri me ikona naziste të vendosur në gjithë vendin.

Follow Us

Hot in week

Recent

Comments

Connect Us

item